كيف احسب اكلي بشكل افضل وافهم ايش اكل؟

رياضة وتمارين

البوست هذا عن كيفية حساب الاكل بشكل جدا بسيط ويكون لنا بوابة لفهم حسابات الاكل بشكل دقيق واسهل وافضل مستقبلا.

بشرح شرح بسيط يوضح الكيفية الي تحتاجونها لاجل حساب كمية الاكل الي انتم على وشك استهلاكه ويكون عندكم فهم افضل عن تغذيتكم.

اول شي بنحتاج الى ميزان طعام (وتقدرون تأخذونه من متجر تحديكم عن طريق الضغط هنا) لان الميزان يحسب لكم ب الجرام او الكيلو جرام او الباوند وعادة الميزان يأخذ حتى ٥ كجم وفيه غيره يأخذ اكثر. ميزة الميزان ايضا ان فيه تقنية مايحسب وزن الصحن الى انتم تستخدمونه لاجل حساب اكلكم.

أدوات رياضية سناكات صحية مكملات غذائية

🏋🏽‍♀️ بعض انواع الميزان يحسب الجرام والكيلو وغيرهم. المهم. هذي العميلة بتحتاج عمل بسيط الي هو كالتالي.

1- نفترض ان غداكم رز ابيض + صدر دجاج. 🍚🍗.

2- ناخذ كمية الرز الي أمامنا (ونقول مثلا ١٠ ملاعق). ناخذ الـ ١٠ ملاعق كاملة ونحطها على صحن الميزان. ممكن كمثال يعطينا الحساب ان الوزن ٥٠ جم. بهذي الحالة حنا نبحث في الانترنت وبنلاحظ ان ١٠٠ جم رز ابيض مطبوخ يعطينا ١٣٠ سعره حرارية + ٤ جم بروتين + ٢٨ جم كربوهيدرات. يعني ان حسبتنا لـ وزن ٥٠ جم بيصير ان الرز الي حنا وزناه = ٦٥ سعره حرارية + ٢ جم بروتين + ١٤ جم كربوهيدرات.

الان عرفنا عن الرد. نتوجه الى صدر الدجاج. نفس الطريقة:

1- ناخذ صدر الدجاج ونحطه على الميزان وبيعطينا كمثال 250 حم.

2- حنا نروح مباشرة الى الانترنت ونشوف كم تساوي 100 جم صدر دجاج وبناء على المعطيات، نحسب قيم العناصر في صدر الدجاج.

في نهاية المطاف وخلال بضع دقائق بنصير حسبنا وجبتنا كاملة بـ

السعرات الحرارية.

البروتين.

الكربوهيدرات.

الدهون

وهذي الأساسيات الي بنحتاج نعرفها. ومنها نوزع نسبة السعرات الحرارية واللي نعرف ان لكل 1 جم كربوهيدرات يساوي 4 سعرات حرارية. كل 1 جم بروتين يساوي 4 سعرات حرارية. كل 1 جم دهون يساوي 9 سعرات حرارية.

وبناء على معادلتنا لاجل هدفنا سواء 40% كربوهيدرات ، 30% بروتين، 30% دهون او غيرها من الطرق، نكون الان عارفين بشكل افضل كيف نحسبها. وهذي الان البداية لحسابات افضل لاحقا.

ان شاء الله بسيط الموضوع وفادكم 🍡🍢🍘

بكذا جاوبنا على كيف احسب اكلي بشكل افضل وافهم ايش اكل؟

تحياتي

كوتش سعود

saudhoss.com