ماهو نوع مكمل البروتين المناسب لي

رياضة وتمارين

موضوعي هو عن ماهو نوع مكمل البروتين المناسب لي ؟ 🍶 وهذا الموضوع جدا مهم وابفصله الى جزئين. الاول عن انواع البروتينات والثاني وش مفترض تختار 🤞🤞. فيه ٣ انواع من البروتين لازم نعرفهم.

أدوات رياضية سناكات صحية مكملات غذائية

١- بروتين كونسنتريت (المركز) وهذا يجي فيه البروتين عالي 🍗 والدهون منخفضة الى متوسطة 🍩 والسعرات الحرارية عالي ويحتوي على لاكتوز منخفض الى متوسط (سكر). نسمع ب بروتين التضخيم او بروتين بدل وجبة وهذا هو بالتحديد 💪🏼💪🏼.

٢- بروتين ايسو واي. بروتين عالي. كربوهيدرات ودهون وسكر منخفضة (وفنيا يعتبر مافيه سكر). بروتين مشهور بعد التمرين. تكميل ل البروتين اليومي ومناسب لبناء الكتلة العضلية.

٣- بروتين هايدرولايزد واي. يصنف اعلى جودة من مجموعة الواي. عالي البروتين. منخفض (او حتى صفر) دهون كربوهيدرات سكر. سريع الامتصاص ومثالي كـ بروتين بعد التمرين لسرعة امتصاصه. قد لايحتوي على الجلوتين وهذا امر مثالي للأشخاص الي يعانون من حساسية. ايضا خفيف ع المعدة.❤️❤️❤️

الان تجي مرحلة وشلون تختار البروتين.

اول شي مافي شي اسمه بروتين بنات وبروتين عيال. فيه بروتين منتجات الحليب او بروتين منتجات الخضروات. الي يناسب العيال فهو يناسب البنات والعكس صحيح.

مهم اننا نفهم ان فيه ٣ امور مهمة في مكمل بروتين البودرة. كمية البروتين. كمية الدهون. كمية الكربوهيدرات.

ثم لازم نعرف كم جسمنا يحتاج من هذي العناصر. فـ كمثال اذا كان مكمل البروتين كمية البروتين فيه ٢٥ جم. كربوهيدرات ٥ جم ودهون ٢.٥ جم فهذا بروتين يصلح للبناء العضلي والمحافظة على الوزن والتخسيس ايضا. ليييييش وكيف؟ لان كمية ٥ جم كربوهيدرات و ٢.٥دجم دهون جدا جدا قليلة ولا تؤثر اطلاقا في هدفكم.

١- متى استخدم بروتين الكونسنتريت؟ اذا هدفك بناء العضلات ورفع وزنك.

٢- متى استخدم بروتين الواي. اذا هدفك تبني عضلات وتحافظ ع وزن عضلاتك او تنشف الدهون ( ولا يهمكم كم فيه نسبة دهون او كربوهيدرات لانها اساسا جدا قليلة).

٣- متى استخدم بروتين هايدرولايزد. اذا كنت تبحث عن بروتين سريع الامتصاص لما بعد التمرين لاجل سرعة الاستشفاء العضلي وتعويض البروتين.

للتفصيل حول انواع البروتينات، انصحكم بالضغط هنا